10 اسئلة واجابتها عن السيو

1- ما هو سيو ؟

هي اختصار لـ search engine optimization. وهي تهيئة الموقع لمحركات البحث زي جوجل وبينج وياهو .

2- ما الفرق بين ال سيو و الاعلانات المدفوعة على adwords ؟

السيو هو جلب زيارات للموقع مجاناً من غير ما تدفع فلوس وده بيكون من خلال تهيئة الموقع لخوارزميات محركات البحث بطرق معينه بحيث تظهر في النتائج الاولى لمحركات البحث زي  مثلاً محرك البحث جوجل ومحرك البحث بينج وياهو.

اما الاعلانات المدفوعة على الـ adwords فدي بتكون الظهور في محرك البحث في النتائج الاولى ولكن بدفع مبالغ لجوجل عشان تظهر في الاول بدون عمل مجهود في تهيئة الموقع لمحركات البحث او هو الاسراع بالظهور في محركات البحث الاولى .

3- ماهي ميتا تاج العنوان وميتا الوصف ميتا تاج

ميتا العنوان هو جزء العنوان اللي بيظهر في محرك البحث اما ميتا الوصف هو اللي بيظهر تحت العنوان في محرك البحث وده اللي انت بتكتبه هو والعنوان بعد ما بتكتب المقال على موقعك وده الهدف منه جذب المستخدم بجزء من المقال او بوصف للمقال بطريقة جذابة وده بيكون فيه الكلمة المفتاحية اللي يبحث عنها المستخدم اما الميتا دسكربشن هى وصف الموقع الذى يظهر بشكل عام اسفل رابط الموقع وعنوانة .

4- ما هو الفرق بين ال internal links و ال inbound links؟

ال  internal links هي الروابط اللي بتربط بيها موقعك ببعضه يعني مقالات داخلية بتربطها بمقالات تانية في نفس الموقع او المدونة اما ال inbound links فهي اللينكات الخارجية لمواقع اخرى انت بتستشهد بيها في موقعك زي مثلا لما تقتبس جزء من موقع ويكيبيديا وتحط لينك ليها عندك.

5- ما هى الفائدة من ال internal links و امتى استخدمها وبنسبة قد اية ؟

الروابط الداخلية الهدف منها ربط المحتوى ببعضه وده بيقوي من موقعك بالنسبة لمحركات البحث وبيخلي اليوزر يقعد فترة اطول على موقعك وده من الحاجات اللي بتدي مؤشر قوي لجوجل ان موقعك بيحتوي على محتوى جيد يستحق انه يظهر في الاول امتى تستخدمها فدي على حسب المحتوى بتاعك لو في لازمة او مناسبة انك تستخدمها فاستخدمها واربط المواضيع ببعض لكن تستخدمها بنسبة قد اية فحاول ما يكونش استخدامها بكثافة لأن الشيء اللي بيزيد عن حده بيتقلب ضدة.

6-  هل لازم عشان اشتغل سيو اكون عارف برمجة ؟

اكيد لا مش محتاج تعرف برمجة بشكل احترافي لكن هيكون مهم لو عرفت الاساس عشان تكون فاهم طبيعة شغلك وطبيعة شغل محركات البحث .

 7- اية الفرق بين ال indexed و ال crawling؟

محركات البحث بتطلق عناكب الزحف على موقعك لما بتنزل محتوى جديد فبتدخل الموقع عشان تأرشفة وده المقصود بال crawling اما عملية ال indexed فدي عملية حفظ المحتوى بتاعك في اندكس عند جوجل عشان لما حد يبحث عن حاجة لها علاقة بالمحتوى بتاعك يقدر يطلعها في محرك البحث .

8-  اية هي العوامل اللي تساعدني اظهر في محرك البحث في النتايج الاولى بسرعة ؟

في اكتر من 250 عامل مختلف بتستند عليهم محركات البحث في عملية اظهار النتائج اهم العوامل دي

- سرعة الموقع

- المحتوى الجيد

- مدى ترابط الموقع داخليا

- السوشيال ميديا للموقع خاصة جوجل بلس

- اللينكات الخارجية الباك لينك اللي بتشير للموقع بس تكون من مواقع موثوقه من جوجل ولها سلطة عالية

- مدى تطابق الموقع بما يبحث عنه الزائر

- مدة وجود الزائر في موقعك ومعدل خروجة من الموقع

- استخدام ال Keywords المستهدفة بطريقة احترافية في المحتوى

- استخدام العناوين h1 ,h2,h3

- استخدام ميتا العنوان والوصف

- استخدام وصف وعنوان للصور والاهتمام بالنص البديل.

9-  هل في ادوات تساعدني اقدر اراقب موقعي من الداخل ؟

في ادوات كتير منها اللي بتقدمهولك جوجل مجانا زي جوجل اناليتكس وجوجل ويب ماستر ومفيش غنا عنهم ابدا لأنك بتقدر تقيس بيهم كل حاجة بتحصل على موقعك وترجم ده لفعل يحسن من موقعك وفي ادوات تانية زي موقع moz.com اللي بيقدملك احصائيات تانية بردو بتساعدك في فهم طبيعة الزائر لموقعك ومتطلباته وازاي تقدر تطور موقعك

10- امتى يخلص الشغل في سيو؟

الشغل في seo مستمر وما بيخلصش طول ما الموقع موجود انت محتاج تبقى موجود على محركات البحث وخلي بالك ان المنافسة بتكون كبيرة فلو ما اشتغلتش في غيرك بيشتغل وهياخد مكانك وانت هتتراجع بموقعك لحد لما تبقى مش موجود وتختفى تماماً من الظهور فى النتائج الاولى والصفحات الاولى بمحركات البحث .

استراتيجيات سيو الربح من الانترنت الكلمات المفتاحية تعلم سيو سيو صح معدل الارتداد مفاهيم سيو back link seo 8/11/2014 07:45:00 م